Krabbel

hier krabbel ek sommer gedagtes, drome en dinge

Vredesverdrag September 13, 2008

Filed under: gedig — Nicole @ 8:30 am

Die verskoning oor ons simbiotiese verhouding

Het sy stempel in my hart gelos

Ons familiariteit

Het my hart die rotang laat proe

Op die kim van my hart lê die seer

Sal dit ooit verdamp?

Nog nooit het ons gekibbel

Nog nooit was ons onbewimpeld

Want al skyn my hart vakant

het jy ’n monopolie oor dit gehad

terwyl ek wel nog verlang

sal ek my sier

vir die oomblik wat jy besef

ons is.

 

Stokmannetjie July 6, 2008

Filed under: gedig — Nicole @ 5:51 pm

In ’n vervelige klas is jy gebore

In doodeenvoudige lyne

Het jy vorm gekry

My stokmannetjie

Met ’n HB potlood teken ek

Vir jou ’n kop met ’n glimlag

Groot oë met ’n glinster stout

Met my HB potloot teken ek

Vir jou ’n lyfie, met ’n hart

En griffel ek trots in

Met my HB potlood teken ek

Twee arms met mooi hande

En twee bene met voete

Stewig, plat op die aarde

Met met Steadler uitvee

Moes ek uitvee

En byteken

Want ervaring

Mense,familie en vriende

Bring perspektief

Op ’n dood eenvoudige stokmannetjie

Jou kop moes plek maak vir intelek

Jou mond moes oop maak vir sagte woorde

Warm glimlag en eerlikheid

Jou enkelstreep lyf moes pad maak

Vir ’n breë bors wat troos

Vir ’n groter hart met baie geduld en geloof

Jou arms moes langer

Om uit te reik

Te vang en vreugde te ervaar

Jou bene moes ek sterker maak

Vir uithou vermoë, moed

En die pad wat ons saam gaan stap

Met my Bic ink pen

Wens ek

Droom ek

Wonder ek

’n regte egte naam vir jou

My stokman.

 

Wêreld vandag March 28, 2008

Filed under: gedig — Nicole @ 9:32 am

Gegrond op onreëlmatige inligting

Baseer ek my opinie van die wêreld

Ingenome met my besluit

Wandel ek in die gange

Van onregverdige kommas

Wat aan my hak soos ek beweeg

Die onoortreflike lied in my wese

En die verontagsaamheid daarvan

Sal ek voortbeweeg

Die kwaad vomeer oor die strate

Baie en dit raak knaend aan my

Wêreld so sal jy wees

En ek.

 

Gewoon February 19, 2008

Filed under: gedig — Nicole @ 9:36 am
Tags: , , , ,

Gegriffel in my gedates

Sit die eenvoud van my wese

My onsamehangende drome

Van ’n doodgewone mens

Opsoek na metafisiese ervarings

In sekulariteit

Doodgewone mens

Met ’n God in my hart